Teen Gen, sa Linggo na!; boxing fights nina Viloria at Peñalosa Jr. mapapanood din
Maraming sorpresang hatid ang Kapuso Network sa darating na Linggo, December 16. Bukod sa mapapanood na ang bagong youth-oriented show na Teen Gen, dalawang umaatikabong bakbakan sa ring ang mapapaanod matapos ang klasikong laban na Pacquiao-Marquez 4 last Sunday.
Sa Linggo ng umaga, 10:20 a.m. , mapapanood ang Laban ng Lahi, Dugong Kampeon. Ito ang magkahiwalay na laban nina Brian "The Hawaiian Punch" Viloria at Dodie Peñalosa, Jr.
Susundan ito ng Ang Panday 2 ni Sen. Ramon "Bong" Revilla, Jr. para sa Kapuso Movie Festival at 11:20 a.m. Makipag-party naman pagsapit ng 1:00 p.m. sa Party Pilipinas.
Pagsapit ng 3:00 p.m., salubungin ang pinakabagong barkada na makakasama tuwing Linggo sa telebisyon na Teen Gen. Dito ay makikilala ang mga bagong iidolohin na sina Tiago, Angge, Lucho, Lyca, Itos, Madison, JV, Drew, Jeff at Mackenzie.
Samahan natin sila sa kanilang pagharap sa mga teenage problem na pinagdadaanan din marahil ng ibang kabataan ngayon.
Kaya morning pa lang ng Sunday, tutok na at walang iwanan sa GMA-7 . -- Michelle Caligan/FRJ, GMANetwork.com
0 comments:
Post a Comment